2012- يىللىق ‹‹1- ماي›› خەلقئارا ئەمگەكچىلەر بايرىمىدا دەم ئېلىشقا قويۇپ بېرىش توغرىسىدا ئۇقتۇرۇش
ناھىيەلىك،شەھەرلىك خەلق ھۆكۈمەتلىرى،ئوبلاستلىق خەلق ھۆكۈمىتىنىڭ تارماقلىرى،بىۋاسىتە قاراشلىق ئاپپاراتلىرى،خەلق تەشكىلاتلىرى،مەركەز،ئاپتونوم رايوننىڭ ئوبلاستىمىزدا تۇرۇشلۇق ئورۇنلىرى:
ئاپتونوم رايونلۇق خەلق ھۆكۈمىتى بەنگۇڭتىڭىنىڭ ‹‹2012- يىللىق 1- ماي خەلقئارا ئەمگەكچىلەر بايرىمىدا دەم ئېلىشقا قويۇپ بېرىش توغرىسىدا ئۇقتۇرۇش›› (ش ھ ب ئا ت [2012] 117- نۇمۇرلۇق) ىنىڭ روھىغا ئاساسەن،ئالاقىدار ئىشلارنى تۆۋەندىكىچە ئۇقتۇرىمىز:
1. 4- ئاينىڭ 29- كۈنىدىن 5- ئاينىڭ 1- كۈنىگىچە جەمئىي ئۈچ كۈن دەم ئېلىنىدۇ. 4- ئاينىڭ 28- كۈنى (شەنبە) نورمال خىزمەت قىلىنىدۇ.
2. بايرام مەزگىلىدە،ناھىيە،شەھەرلەر،تارماقلار،ئورۇنلار نۆۋەتچىلىك ۋە بىخەتەرلىك،ئامانلىق ساقلاش خىزمىتىنى ياخشى ئورۇنلاشتۇرۇپ،تەساددىپىي ۋەقەلەر كۆرۈلسە،بەلگىلىمە بويىچە ۋاقتىدا دوكلات قىلىپ ۋە مۇۋاپىق بىر تەرەپ قىلىپ،خەلق ئاممىسىنىڭ بايرامنى خاتىرجەم ئۆتكۈزۈشىگە كاپالەتلىك قىلىشى كېرەك.
3. 2012- يىل 5- ئاينىڭ 1- كۈنىدىن 9- ئاينىڭ 30- كۈنىگىچە يازلىق مەشغۇلات ۋاقتى يولغا قويۇلىدۇ. يەنى: چۈشتىن بۇرۇن سائەت 9:30 (بېيجىڭ ۋاقتى) دا ئىشقا چۈشۈلۈپ،13:30 دا ئىشتىن چۈشۈلىدۇ،چۈشتىن كېيىن 16:00 ئىشقا چۈشۈلۈپ،19:30 دا ئىشتىن چۈشۈلىدۇ. ئالاھىدە ساھە (ئورۇن) لەر ساھە (ئورۇن) بەلگىلىمىسى ۋە تەلىپى بويىچە ئىجرا قىلسا بولىدۇ.
بايىنغولىن موڭغۇل ئاپتونوم ئوبلاستلىق
خەلق ھۆكۈمىتى
2012- يىل 4- ئاينىڭ 23- كۈنى
