بايىنغولىن ئوبلاستلىق خەلق ھۆكمەت باش بېتى
باشقا يازمىلار
  • ئوبلاستىمىزدا «ئۆگىنىش كۈچلۈك دۆلىتى» ئۆگىنىش پائالىيىتى داۋاملىق ئىلگىرى سۈرۈلدى

ھازىرغىچە ئوبلاستىمىزدىكى 55 مىڭدىن ئارتۇق پارتىيەلىك كادىر«ئۆگىنىش كۈچلۈك دۆلىتى» ئۆگىنىش پائالىيىتىگە قاتناشتى

    مۇخبىرىمىز شۆ يۈنشاۋ خەۋەر قىلىدۇ: 1 – ئاينىڭ 24 – كۈنى مۇخبىرنىڭ ئوبلاستلىق پارتكوم تەشۋىقات بۆلۈمىدىن ئىگىلىشىچە، «ئۆگىنىش كۈچلۈك دۆلىتى» ئۆگىنىش سۇپىسى ئېچىلغاندىن بۇيان ھازىرغا قەدەر، ئوبلاستىمىزدا جەمئىي 55 مىڭ نەپەر پارتىيەلىك كادىر ئۆگىنىش پائالىيىتىگە قاتناشقان بولۇپ، ھەر كۈنى كىشى بېشىغا ئوتتۇرىچە تۆتتىن يۇقىرى نومۇر ئېلىنغان، بۇ ئۆگىنىش سۇپىسى ئالاقە تورى دەۋرىدىكى پارتىيەلىك كادىرلارنىڭ نەزەرىيە ئۆگىنىشىدىكى ئەقلىي ئىقتىدارلاشتۇرۇش، قولايلاشتۇرۇش ئېھتىياجىنى قاندۇرۇپ، كەڭ پارتىيەلىك كادىرلارنىڭ «ماي قاچىلاش پونكىتى» غا ئايلاندى.

ئوبلاستلىق پارتكوم تەشۋىقات بۆلۈمىنىڭ ئالاقىدار مەسئۇلى مۇنداق دېدى: «ئۆگىنىش كۈچلۈك دۆلىتى» ئۆگىنىش سۇپىسى ئېچىلغاندىن كېيىن، ئوبلاستلىق پارتكوم تەشۋىقات بۆلۈمى دەرھال ئوبلاستىمىزدىكى كەڭ پارتىيەلىك كادىرلارغا كېڭەيتىپ، پارتىيەلىك كادىرلارنى بۇ ئۆگىنىش سۇپىسىنى ياخشى ئىشلىتىشكە پائال يېتەكلىدى، ھەمدە ھەر دەرىجىلىك پارتىيە تەشكىلاتلىرىدىن ئاڭلىق ھالدا سىياسىيغا ۋە ئومۇملۇققا ئەھمىيەت بېرىش يۈكسەكلىكىدە تۇرۇپ، بۇ ئۆگىنىش پائالىيىتىنى مـۇھىم سىـياسىـي ۋەزىپە سۈپىتىدە چىڭ تۇتۇپ، قەلبىگە چوڭقۇر ئورنىتىپ، شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى ھەقىقىي تۈردە كىشىلەرنىڭ مېڭىسىگە سىڭدۈرۈپ، توردا ئۆگىنىشنى نورمال ھالەتكە ئايلاندۇرۇپ، نەزەرىيە بىلىملىرىنى ئۆگىنىشنى كۈندىلىك تۇرمۇشقا سىڭدۈرۈشنى تەلەپ قىلدى.

    ئوبلاستلىق مالىيە ئىدارىسى پارتگۇرۇپپىسىنىڭ شۇجىسى سەيرېن «ئۆگىنىش كۈچلۈك دۆلىتى» ئۆگىنىش سۇپىسىدا ئۆگىنىش ئارقىلىق ئىككى خىل ھوسۇلغا ئېرىشتى: بىرسى، بۇ ئۆگىنىش سۇپىسىدا مەزمۇنلار ئىنتايىن مول، بىلىم دائىرىسى كەڭ، چىقىرىلغان ئۇچۇرلار سۈپەتلىك بولۇپ، ئۇنىڭ يېڭى ئىدىيەلەرنى ئۆگىنىپ، يېڭى سىياسەتلەرنى ئىگىلەپ، يېڭى ئەھۋاللارنى چۈشىنىشىگە ياردەم بەردى؛ يەنە بىرسى، ئۇ ئۈزلۈكسىز ئۆگىنىش ئارقىلىق، غايە – ئېتىقادىنى يەنىمۇ مۇستەھكەملىدى. ئۇ مۇنداق دەپ قارىدى: پەقەت ئۆگىنىش دەل جايىدا بولغاندىلا، تونۇشنى ئۆستۈرگەندىلا، ئاندىن ئۆز ئەمەلىيىتىگە بىرلەشتۈرۈپ، خىزمەتلەرنى ئورۇنلاشتۇرۇشنى دەل جايىدا، مەسئۇلىيەتنى ئايرىشنى دەل جايىدا، تەدبىرلەرنى يولغا قويۇشنى دەل جايىدا، ئىزچىللاشتۇرۇش ۋە ئەمەلىيلەشتۈرۈشنى جايىدا قىلىپ، ئەڭ ئاخىرىدا ئەمەلىي ئۈنۈمنى قولغا كەلتۈرگىلى بولىدىكەن.

    خوشۇت ناھىيەسى تاغارچى بازىرى قۇنۇمبۇخ كەنتىنىڭ كەنت ئاھالىلىرى يىغىن زالىدا، بۇ كەنتنىڭ 1 – شۇجىسى ما يۈ پىڭ ئەتىگەنلىك يىغىن ئېچىپ خىزمەت ئەترىتىدىكىلەرگە ۋە كەنت «ئىككى كومىتېت» بەنزىسىدىكى كادىرلارغا مۇنداق دېدى: بىز ئۆگىنىشتە سەپتىن چۈشۈپ قالماسلىقىمىز كېرەك.

يىغىندا، ما يۈپىڭ «ئۆگىنىش كۈچلۈك دۆلىتى» ئۆگىنىش سۇپىسىدا ئۆگىنىش پائالىيىتىگە قارىتا قايتا ئورۇنلاشتۇرما ئېلىپ بېرىپ، بارلىق پارتىيەلىك كادىرلارنى ئۆگىنىش سۇپىسىدا كۆپ كۆرۈپ، كۆپ ئۆگىنىپ، كۆپ كۈچ سەرپ قىلىپ، بۇنى ئۆز ئەمەلىيىتىگە بىرلەشتۈرۈش ئارقىلىق ئاممىۋى خىزمەتنى ياخشى ئىشلەپ، «يېزا ئىگىلىكى، يېزا، دېھقانلار»غا ياخشى مۇلازىمەت قىلىشنى تەلەپ قىلدى.

    كەنت كادىرى ما شۆخۇا دەرھال ئۆز ئىپادىسىنى بىلدۈرۈپ مۇنداق دېدى: «ئۆگىنىش كۈچلۈك دۆلىتى» ئۆگىنىش سۇپىسى ھەممە ئادەم ئۆگىنەلەيدىغان، ھەر ۋاقىت ئۆگىنەلەيدىغان، ھەر جايدا ئۆگىنەلەيدىغان بولۇشنى ئىشقا ئاشۇردى، بۇنىڭ نەزەرىيەۋىي سەۋىيەمىزنى تېز ئاشۇرۇشقا ياردىمى بار، بۇ سۇپا مېنىڭ ياخشى ئۇستازىم، ئوبدان دوستۇم بولۇپ قالدى. مەن ئائىلىلەرگە كىرىش جەريانىدا كەنت ئاھالىلىرىگە تەشۋىق قىلىپ ۋە ئومۇملاشتۇرۇپ، ئۆگىنىش پائالىيىتىنى ئامما ئارىسىدىمۇ قىزغىن كەيپىياتقا ئىگە قىلىمەن.

    كورلا شەھەرلىك «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە كەنتتە تۇرۇش خىزمىتى رەھبەرلىك گۇرۇپپىسى ئىشخانىسىنىڭ مەسئۇلى سۇ يەن مۇنداق دېدى: «ئۆگىنىش كۈچلۈك دۆلىتى» ئۆگىنىش سۇپىسى ئاساسىي قاتلام پارتىيە تەشكىلاتلىرىنىڭ شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى ئۆگىنىش ۋە ئىزچىللاشتۇرۇشىنى، «ئۈچ يىغىن، بىر دەرس»، «ئاساسىي تېمىدىكى پارتىيە كۈنى» قاتارلىق پائالىيەتلىرىنى قانات يايدۇرۇشىنى مول خام ماتېرىيال بىلەن تەمىنلىدى. شۇنىڭ بىلەن بىرگە بۇ ئۆگىنىش سۇپىسى مەملىكەتنىڭ ھەرقايسى جايلىرىدىكى ئاساسىي قاتلام پارتىيە قۇرۇلۇشىنىڭ يېڭى تەجرىبىلىرى ۋە يېڭى تەدبىرلىرىنى تونۇشتۇرۇپ، كۆپچىلىكنىڭ ئۆگىنىپ ئۆرنەك ئېلىشىغا ۋە تەجرىبە ئالماشتۇرۇشىغا ياردەم بەردى.     مەختۇمخان تۇردى تەرجىمىسى

(مەنبە:بايىنغولىن گېزىتى)

  • 巴州政府电子政务办公室
    (0996)2689222
  • يانفۇن بېتى
    ئىككىلىك كودنى سىكانىرلاڭ
ئۇستى