بايىنغولىن ئوبلاستلىق خەلق ھۆكمەت باش بېتى
باشقا يازمىلار
  • «تۇغقانلىشىش ھەپتىلىكى» پائالىيىتى ئارقىلىق مىللەتلەر ئىتتىپاقلىقىنىڭ قۇدرىتىنى مۇجەسسەملەيلى

    بىپايان شىنجاڭ زېمىنىدا ئەڭ چىرايلىق گۈل – مىللەتلەر ئىتتىپاقلىقى گۈلى. «مىللەتلەر ئىتتىپاقلىشىپ بىر ئائىلە كىشلىرىدەك بولۇش» پائالىيىتىنى چوڭقۇرلاشتۇرۇپ، ئامما بىلەن بىللە تاماق يېيىش، بىللە تۇرۇش، بىللە ئىشلەش، بىللە ئۆگىنىش قىلىش ئارقىلىق پارتىيە 19 – قۇرۇلتىيىنىڭ روھىنى ھەممە ئائىلىلەرگە تەشۋىق قىلىپ، ھەر مىللەت كادىرلىرى بىلەن ئاممىنىڭ ئالاقىلىشىشى، ئالماشتۇرۇشى، ئارىلىشىشىنى چوڭقۇر ئىلگىرى سۈرۈپ، مىللەتلەر ئىتتىپاقلاشقان، جەمئىيەت مۇقىم بولغان ياخشى ۋەزىيەتنى مۇستەھكەملەپ ۋە راۋاجلاندۇرۇپ، شىنجاڭنىڭ ئىجتىمائىي مۇقىملىقى ۋە ئەبەدىي ئەمىنلىكىنىڭ ئاساسىنى پۇختىلاش ئۈچۈن، مۇشۇ ئايدا ئاپتونوم رايونىمىزدا مىللەتلەر ئىتتىپاقلىقى بويىچە «تۇغقانلىشىش ھەپتىلىكى» پائالىيىتى مەركەزلىك قانات يايدۇرۇلدى.

    مىللەتلەر ئىتتىپاقلىقى گۈلى ــ ئورتاق پەرۋىش قىلىشىمىز ۋە كۆڭۈل قويۇپ ئۆستۈرۈشىمىزگە مۇھتاج. مىللەتلەر ئىتتىپاقلىقى بويىچە «تۇغقانلىشىش ھەپتىلىكى» پائالىيىتىنى قانات يايدۇرۇش – ئاپتونوم رايونلۇق پارتكومنىڭ پارتىيە 19 – قۇرۇلتىيىنىڭ روھىنى ۋە شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى ئىزچىللاشتۇرۇپ ۋە ئەمەلىيلەشتۈرۈپ، يولداش شى جىنپىڭ يادرولىقىدىكى پارتىيە مەركىزىي كومىتېتىنىڭ شىنجاڭنى ئىدارە قىلىش تەدبىرى بولۇپمۇ ئىجتىمائىي مۇقىملىق ۋە ئەبەدىي ئەمىنلىك باش نىشانىنى ئىزچىللاشتۇرۇپ ۋە ئەمەلىيلەشتۈرۈپ، شىنجاڭنىڭ مۇقىملىق، تەرەققىيات ۋەزىيىتى ۋە ۋەزىپىسىنى توغرا ئىگىلەپ، باش نىشاننى ئەمەلىيلەشتۈرۈپ، «بىرىكمە مۇشت» نى ياخشى ئېتىش ئۈچۈن ئوتتۇرىغا قويغان بىر مۇھىم تەدبىر – ئورۇنلاشتۇرمىسى، مىللەتلەر ئىتتىپاقلىقىنى يەنىمۇ مۇستەھكەملەش ۋە راۋاجلاندۇرۇشنىڭ ئۈنۈملۈك ئۇسۇلى، كادىرلارنىڭ ئىستىلىنى ئۆزگەرتىشنى ئالغا سىلجىتىشنىڭ ئۈنۈملۈك يولى.

    باش شۇجى شى جىنپىڭ ئاساسىي قاتلامدىكى مىللەتلەر ئىتتىپاقلىقى مۇنەۋۋەر ۋەكىللىرى بىلەن كۆرۈشكەندە مۇنداق دەپ تەكىتلىدى:  پاراخوتنىڭ كۈچى يەلكەندە، ئادەمنىڭ كۈچى روھتا. مىللەتلەر ئىتتىپاقلىقى خىزمىتىدە مۇھىمى ئۆزئارا چۈشىنىش بولۇپ، باشقىلارنىڭ ئورنىدا تۇرۇپ پىكىر قىلىش، باشقىلارنىڭ كۆڭلىنىمۇ ئۆز كۆڭلىدەك چۈشىنىش كېرەك. 12 – ئاينىڭ ئاخىرىغىچە داۋاملىشىدىغان مىللەتلەر ئىتتىپاقلىقى بويىچە «تۇغقانلىشىش ھەپتىلىكى» پائالىيىتىدە ھەر مىللەت كادىرلار، ئىشچى – خىزمەتچىلەر ئاساسىي قاتلامدىكى ئامما بىلەن مەيلى تاماقلار ياخشى بولسۇن ياكى ناچار بولسۇن، ئوخشاش تاماقنى يەيدۇ، ياخشى ئۇخلىيالىسۇن ياكى ئۇخلىيالمىسۇن ئوخشاش كارۋاتتا ياتىدۇ، مەيلى ھەرىكىتى قولاشسۇن ياكى قولاشمىسۇن ئوخشاش ئىشنى قىلىدۇ، مەيلى چوڭقۇر چۈشىنەلىسۇن ياكى چۈشىنەلمىسۇن ئوخشاش مەزمۇننى ئۆگىنىدۇ…مىللەتلەرنىڭ ئالاقىلىشىشى، ئالماشتۇرۇشى، ئارىلىشىشىنى يەنىمۇ كۈچەيتكەندىلا، ھەر مىللەت كادىرلىرى ۋە ئامما ئوتتۇرىسىدا بىر ئائىلە كىشىلىرىدەك، قان بىلەن گۆشتەك يېقىن مۇناسىۋەتنى ئورناتقىلى، شىنجاڭنىڭ ئىجتىمائىي مۇقىملىقى ۋە ئەبەدىي ئەمىنلىكىنى قوغدايدىغان پولات ئىستىھكامنى قۇرغىلى بولىدۇ.

    ھەر دەرىجىلىك رەھبىرىي كادىرلار يۈكسەك ئەھمىيەت بېرىپ، ئۆزى ئۈلگە بولۇپ، باشلامچىلىق بىلەن كەنتكە بېرىپ ئائىلىگە كىرىشى، ئۈلگىلىك رولىنى ياخشى جارى قىلدۇرۇشى لازىم؛ تۇغقانلىشىش پائالىيىتىنى ۋاسىتە قىلىپ، پارتىيە 19 – قۇرۇلتىيىنىڭ روھىنى ئاممىباب، چۈشىنىشلىك تىل بىلەن، ئامما ياقتۇرىدىغان ئۇسۇل بىلەن ئاممىغا تولۇق چۈشەندۈرۈپ، ئاساسىي قاتلامدىكى ھەر مىللەت ئاممىسىغا پارتىيە ۋە دۆلەتنىڭ ياخشى سىياسىتىنى تەشۋىق قىلىش لازىم؛ شۇنىڭ بىلەن بىر ۋاقىتتا، ئامما ھەل بولۇشنى ئەڭ ئۈمىد قىلىدىغان، ئەڭ زۆرۈرلۈك بولغان، ھازىر ھەل قىلغىلى بولىدىغان مەسىلىلەرنى تۈرلۈك ئاماللار بىلەن ھەل قىلىپ، ھەر مىللەت ئاممىسىنىڭ ئېرىشىش تۇيغۇسى، بەخت تۇيغۇسى ۋە بىخەتەرلىك تۇيغۇسىنى كۈچەيتىش لازىم.

    ھەر قايسى ناھىيە، شەھەرلەر ۋە تارماقلار، ئورۇنلار مىللەتلەر ئىتتىپاقلىقى بويىچە «تۇغقانلىشىش ھەپتىلىكى» پائالىيىتىنى ياخشى قانات يايدۇرۇشنى نۆۋەتتىكى بىر مۇھىم سىياسىي ۋەزىپە دەپ بىلىپ، ئىدىيەۋى تونۇشنى ئۆستۈرۈپ، ئىنچىكە پىلانلاپ يولغا قويۇپ، «ۋاقىتنى غەنىيمەت بىلىش، مىنۇت – سېكۇنتنى قولدىن بەرمەسلىك» تەك تەخىرسىزلىك تۇيغۇسى بىلەن ھەر مىللەت ئاممىسى بىلەن بېرىش – كېلىش قىلىش، مۇڭدىشىش، سىردىشىش داۋامىدا مۇناسىۋەتنى يېقىنلاشتۇرۇپ، چۈشىنىشنى كۈچەيتىپ، دوستلۇقنى چوڭقۇرلاشتۇرۇپ، مىللەتلەر ئىتتىپاقلىقىنىڭ قۇدرىتىنى مۇجەسسەملەپ، ھەر مىللەت ئاممىسىنى پارتىيە ۋە ھۆكۈمەتنىڭ ئەتراپىغا زىچ ئۇيۇشتۇرۇشى لازىم.

(مەنبە:بايىنغولىن گېزىتى)

  • 巴州政府电子政务办公室
    (0996)2689222
  • يانفۇن بېتى
    ئىككىلىك كودنى سىكانىرلاڭ
ئۇستى